নামতিৰ ধোদৰ আলিত দ্ৰুতবেগী বাইকৰ খুন্দাত ২জনৰ মৃত্যু; কণমানি শিশুসহ কেইবাজনো আহত


ডিজিটেল ডেস্ক, ৰিপাব্লিক এন. ই., নামতি, ১৭ নৱেম্বৰ, ২০১৯ঃ- শনিবাৰে শিৱসাগৰ জিলাত এক ভয়ংকৰ পথ দুৰ্ঘটনা সংঘটিত হয়। প্ৰাপ্ত তথ্য অনুসৰি, শিৱসাগৰৰ নামতিৰ ধোদৰ আলিত AS04-W-1632  নাম্বাৰৰ এখন দ্ৰুতবেগী বাইকে কেইবাজনো লোকক মহতিয়াই নিয়াত ৫জনকৈ লোক গুৰুত্বৰভাৱে আহত হয়। আহত লোককেইজনক ততাতৈয়াকৈ চিকিৎসালয়লৈ লৈ যোৱা হয় যদিও চিকিৎসালয়লৈ নিয়াৰ পথত আলহাজ মৌলানা ডাউদ হুছেইন আৰু মাতু বেগমৰ মৃত্যু হয়। উল্লেখযোগ্য যে, উক্ত দুৰ্ঘটনাটোত গুৰুত্বৰভাৱে আহত ৮ বছৰীয়া য়াছিন বেগম আৰু ২ বছৰীয়া জেছমিন বেগমৰ অৱস্থা সংকটজনক বুলি জানিব পৰা গৈছে। আনহাতে, উক্ত দুৰ্ঘটনা সংঘটিত হোৱাৰ বহুসময়ৰ পাছত নামতি আৰু আমগুৰি থানাৰ আৰক্ষী উপস্থিত হোৱাক লৈ অঞ্চলটোৰ ৰাইজ ক্ষোভিত হোৱাও পৰিলক্ষিত হয়।

Previous চাকৰিয়ালৰ দৰমহাৰ ক্ষেত্ৰত এক বৃহৎ পদক্ষেপৰ পোষকতা কেন্দ্ৰীয় চৰকাৰৰ; ‘One Nation, One Pay Day’ৰে সমগ্ৰ দেশতে একেদিনাই দৰমহা দিয়াৰ চিন্তা-চৰ্চা
Next দিল্লী ক্ৰিকেট সন্থাৰ অধ্যক্ষ পদৰ পৰা ইণ্ডিয়া টিভিৰ মুখ্য সম্পাদক ৰজত শৰ্মাৰ পদত্যাগ

No Comment

Leave a reply

Your email address will not be published. Required fields are marked *